गाेरखा । नेपाली काँग्रेस गाेरखाका लागि सभापति सर्वसम्मत चयन भएपनि कांग्रेस जिल्ला कार्यसमितिका अन्य पदाधिकारी पदमा भने मतदान भएकाे छ । उप सभापतिमा पाँच जना, सचिवमा पाँच जना, सह सचिवमा आठ जनाको उम्मेदवारी भएको छ ।
उप सभापतिमा इमानसिंह बस्नेत, धिरन थापा, रविकला खनाल, सिपी पोखरेल र हरीबहादुर गान्धरीले उम्मेदवारी दिएका छन् । सचिव पदमा किशोरजंग थापा, ओम गुरुङ, कृष्णबहादुर आले, रामप्रसाद भण्डारी, तारानाथ पुडासैनीले उम्मेदवारी दिएका छन् ।
उपसभापति, सचिव र सह सचिव दुईदुई जना आवश्यक पर्छ । यी पदमा मंगलवार बिहान ८ बजेबाट मतदान हुने नेपाली कांग्रेस जिल्ला पार्टीले जनाएको छ ।
उपसभापतिका लागि इमानसिँह बस्नेत र रविकला खनालकाे पक्षमा मतदान गर्न सर्कुलर भएकाे प्रतिनिधीहरुले बताएका छन् । सचिवका लागि किशाेरजँग थापा र कृष्ण बहादुर आलेकाे पक्षमा रुलिङ भएकाे पार्टी स्राेतले जानकारी दिएकाे छ ।