गोरखा । २०७२ सालकाे भूकम्प पछि पुनर्निमाण भएकाे नेपाल प्रहरी गाेरखाकाे भवन आज प्रहरी महानिरिक्षक शैलेश थापाले उद्घाटन गरेका छन् ।
नेपाल सरकारकाे ८ कराेड १ लाख ३७ हजार १ सय ९५ रुपैया लगानीमा निर्माण भएकाे जिल्ला प्रहरी कार्यालय भवनकाे निर्माण लागि २०७५ पुस ४ गते रोयल कन्ट्रक्सन धनगढीसंग सम्झौता भएकाे थियाे ।
१२ रोपनी जग्गामा आरसिसि फ्रेम, स्टक्चर अवधारणामा ३ तले कार्यालय भवन, महिला पुरुष थुनुवा कक्ष सहितको ४० जना क्षमता रहेको २ तले हिरासत भवन, १ तले कार्यालय प्रमुख निवास, १०८ जना प्रहरी कर्मचारीहरु क्षमता भएको ३ तले ब्यारेक भवन, ३ तले सिनियर प्रहरी अधिकृत आवास र २ तले मेस भवनको निर्माण सम्पन्न भएको गाेरखाका प्रहरी प्रमुख शेखर खनालले बताए ।
कार्यक्रमलाई सम्बाेधन गर्दै प्रहरी महानिरिक्षक थापाले नागरिकलाई पारदर्शी र प्रभावकारी प्रहरी सेवा प्रदान गर्न गोरखा प्रहरीलाई निर्देशन दिएका छन्। थापा कार्यक्रम सकेर काठमाण्डाै तर्फ लागेका छन् ।