अभिषेक तामाङ
गाेरखा । विश्व रेडक्रस दिबसकाे अबसरमा सरस्वती मा वि गाे ना पा ८ आहाले स्थित जुनियर युवा रेडक्रस सर्कलले मानवसेवा आश्रम गाेरखालाइ खाद्यन्न सहयाेग गरेका छन् ।
विद्यार्थीहरुले आ आफ्नाे घरबाट सँकलन गरेका आलु, प्याज, दाल, चामल लगायतका खाद्यन्न मानवसेवा आश्रमलाइ प्रदान गरिएकाे जुरेस अध्यक्ष श्रमिका लाप्रेले जानकारी दिइन ।
मानवसेवा आश्रममा भएकाे कार्यक्रममा विद्यालयका प्रधानाध्यापक मेघनाथ लामिछानेले विद्यार्थीहरुमा सहयाेगकाे भावना आउनु असल शिक्षाकाे अभ्यास भएकाे बताए ।
विद्यालयका सहायक प्रधानाध्यापक विक्रम भण्डारीले आफ्नाे पढाइसँगै सामाजिक सेवामा विद्यार्थीहरु सँधै चनाखाे हुनुपर्ने बताए ।
मानवसेवा आश्रम गाेरखाकी मिस सम्भावनाले विद्यार्थीहरुकाे सहयाेगकाे उच्च भावनाकाे प्रशँसा गरेकी थिइन । माता तिर्थ औँसीकाे अवसर पारेर विद्यार्थीहरुले विद्यालयमा गुरु आमाहरुलाइ सम्मान गरेका थिए ।
