गाेरखाकाे पालुङटारमा भाैतिक उपस्थितिमा हुने पठनपाठन बन्द गर्ने निर्णय

गोरखा १३, बैशाख । गोरखाको पालुङटार नगरपालिकाले भौतिक उपस्थितीमा पठनपाठन सञ्चालन बन्द गर्ने निर्णय गरेको छ । नगरपालिकाले मंगलबारदेखि नगरपालिका क्षेत्रका सवै सामुदायिक तथा संस्थागत बिधालयहरुमा पठनपाठन रोक्ने निर्णय गरेको नगरशिक्षा समितिका प्रमुख बाबुराम कारखेतीले जानकारी दिए ।

नेपाल सरकार कोभिड संकट व्यवस्थापन केन्द्र छाउनीको प्रेस बिज्ञप्ति र बढ्दो संक्रमणको जोखिमलाई मध्यनजर गरी नगरपालिका भित्रका विद्यालयहरु विद्यार्थीकाे उपस्थितीमा कक्षा सञ्चालनमा नगर्ने निर्णय गरेको नगर शिक्षा समितिका प्रमुख कारखेतीद्धारा जारी बिज्ञप्तिमा उल्लेख छ । बिज्ञप्ति अर्को सूचना प्रकाशन नभएसम्म नगरपालिका भित्रका सवै विद्यालयमा पठनपाठन बन्द गर्न भनिएको छ ।

त्यस बाहेक सरकारले तोकेको जनस्वास्थ्य सुरक्षाका सम्पूर्ण मापदण्ड कार्यान्वयन गर्दै बिधालयको परीक्षा लगायत अन्य आन्तरिक कार्यका लागि बिधालय प्रशासन भने खुल्ला राख्ने निर्णय गरिएको बिज्ञप्तिमा उल्लेख छ ।