बुङकाेटमा अपाङ्गमैत्री घर बनाएका श्रमिकहरुले ज्याला पाएनन्, अनुदानकाे सरकारी सामग्री विक्री गर्ने वडा अध्यक्षलाइ पालिका अध्यक्षद्वारा सँरक्षण गरेकाे आराेप

शुक्रबार, साउन १, २०७८

शहिदलखन,गाेरखा । जिल्लाकाे शहिदलखन गाउँपालिका वडा नम्बर ७ स्थित धन बहादुर श्रेष्ठकाे अपाङ्ग मैत्री घर निर्माण थालनी गरेकाे २०७४ साल फागुनदेखि काम गरेका श्रमिकहरुले अझै सम्म ज्यालाकाे रकम पाउन सकेका छैनन् ।

दैनिक ज्यालादारीमा काम गरेर जीवन धान्दै आएका हाैँ तर ज्याला पाएनाैँ । ज्याला हप्ता दिन भित्रै दिने भनेर २०७७ भदाै ३० गते खर्च विवरणमा हस्ताक्षर समेत गराइ सार्वजनिक सुनुवाइ भयाे तर आज सम्म ज्याला पाएन भन्दै श्रमिकहरुले विलाैना गरेका छन् ।

घर निर्माणमा सँलग्न रहेका मान बहादुर गुरुङका अनुसार उठेकाे रकम र भएकाे खर्च अनुसार सबैलाइ रकम दिएर पनि बचत हुनुपर्ने हाे तर यहाँ अनिवार्य दिनुपर्ने ठाउँमा समेत दिइएकाे छैन । कहाँ जाने गुनासाे गर्ने ? दिन्न भन्दैनन् तर तीन वर्ष हुँदा सम्म ज्याला पाइएन, उनले भने । काम गरेर ज्याला नपाउनेहरु माेहन गुरुङ, सुर्य गुरुङ, मान बहादुर गुरुङ,राजेश गुरुङ, एक बहादुर श्रेष्ठ, उमेश परियार, डिल बहादुर गुरुङ, इन्द्र बहादुर गुरुङ रहेका छन् । आफूहरुले ९९ हजार सातसय लिन बाँकी रहेकाे मान बहादुरले बताए ।

आफूहरुले ज्यालादारी बाहेक अलग्गै श्रम समेत गरेकाे तर त्यसकाे रकम माग नगरेकाे उनकाे भनाइ छ । वडा नम्बर ७ का वडा अध्यक्ष शरण श्रेष्ठकाे अगुवाइमा निर्माण भएकाे उक्त घर महँगाे मूल्यमा निर्माण भएकाे स्थानीयहरुकाे भनाइ छ । रकम पनि उठेकाे हाे तर कहाँ खर्च भएर दिनुपर्ने ठाउँमा दिइएन भन्दै स्थानीयहरुले प्रतिप्रश्न गरेका छन् ।

वडा अध्यक्ष श्रेष्ठले भने घर निर्माणमा नाेक्सान परेका कारण ज्याला दिन नसकेकाे र केही रकम उठ्न बाँकी रहेकाले उठेपछि दिने बताए । मेरा विरुद्ध गलत प्रचार गर्न केही मानिसहरु लागि परेका छन् त्याे मलाइ थाहा छ, घर निर्माणमा लागेकाहरुलाइ स्राेत जुटाएर दिन बाँकी रकम दिन्छु  उनले भने ।

शहिद लखन गाउँपालिका कै वडा नम्बर ८ का वडा अध्यक्ष काशिनाथ अँगाइले सरकारी अनुदानमा आएकाे स्वास्थ्य सामग्री निजि मेडिकल मार्फत विक्री गर्ने गरेकाे भएपनि गाउँपालिकाले उनीमाथि कारवाही त के सामान्य साेधपुछ समेत गरेकाे छैन । मेडिकल सञ्चालकले वडा नम्बर ८ का वडा अध्यक्ष ज्यूले वडामा पालिकाले जति चाहिए पनि पठाउँछु भन्दै नेपाल सरकारद्वारा निशुल्क वितरणका लागि भनेर लेखिएका स्वास्थ्य सामग्रीहरु पालिका भित्र रहेका स्थानीय मेडिकलहरुलाइ विक्रीका लागि प्रदान गरेका बताएका छन् । मेडिकलले वडा अध्यक्षले दिएकाे सामग्री फरक फरक मूल्यमा विक्री गरेकाे थियाे । सरकारी अनुदानमा प्राप्त सामग्री विक्री गरेकाे थाहा पाएपछि गाउँपालिकाले अनुगमन गरी मेडिकल सञ्चालकसँग लिखित स्पष्टीकरण माग गरेपनि पालिकाले हाल सम्म कुनै कारवाही गरेकाे छैन ।

अनुगमन गर्दाकाे दृश्य । तस्वीर राजेन्द्र न्याैपाने

सरकारी अनुदानकाे सामग्री विक्री गर्नेलाइ पाँचलाख रुपैयाँ सम्म जरीवाना र ६ महिना सम्मकाे जेल सजाय हुने कानुनी प्रावधान रहेकाे छ । सरकारी सम्पति बिक्रीका लागि प्राेत्साहन गर्नेलाइ अझ धेरै कारवाही हुने काुननि व्यवस्था रहेपनि गाउँपालिका अध्यक्षकाे सँरक्षणका कारण  कसैलाइ पनि कारवाही हुन नसकेकाे स्थानीयहरुले बताएका छन् । अनुगमन समितिका अध्यक्ष समेत रहेकी गाउँपालिका उपाध्यक्ष इन्दीरा तिवारीका अनुसार मेडिकल सञ्चालकले लिखित इष्पष्टीकरण दिएका छन् त्यसका आधारमा कारवाही प्रक्रिया अगाडि बढानुपर्ने भएपनि ढिलाइ भइरहेकाे बताएकि हुन् । कसले राेक्याे कारवाहीका लागि भन्ने प्रश्नमा उनले भनिन, कार्यपालिकामा छलफल हुनुपर्ने विषय हुनसक्छ अध्यक्ष र प्रमुख प्रशासकीय अधिकृतसँग बसेर छलफल गरेर अघि बढ्ने छाैँ ।

कार्यपालिका बैठकमा पालिका भित्रका समाचार लेख्ने पत्रकारलाइ कारवाही गर्नुपर्ने भन्दै कार्यपालिका सदस्यहरुले भाषण गर्ने गरेकाे बैठकमा सहभागि एक वडा अध्यक्षले जानकारी दिएका छन् । अनुगमनमा आउने म हाे विक्री गरे पछि मलाइ पैसा पठाउनु भन्दै सरकारी अनुदानकाे सामग्री विक्री गर्न वडा नम्बर ८ का वडा अध्यक्षले ढाडस दिँदै आएका विक्रीमा सँलग्न मेडिकल सञ्चालककाे भनाइ रहेकाे छ । वडा अध्यक्ष अम्गाइले भने विद्यालयले माग गरेका कारण आफूले विद्यालयमा पठाएकाे बताउँदै आएका छन् । विद्यालयले भने वडा अध्यक्षसँग कुनै पनि समान माग नगरिएकाे जनाएकाे छ । मेडिकलसँग नमुना ल्याउ भनिएकाे हाे तर बाहिर बजारमा विक्रि भए पछि मात्र हामीलाइ थाहा भयाे । विद्यालयलाइ जाेडेर गलत काम गर्न कसैलाइ पनि छुट नरहेकाे सामग्री माग गरिएकाे भनिएका विद्यालयका प्रधानाध्यापकले बताएका छन् ।

शहिदलखन वडा नम्बर ८ का वडा अध्यक्ष काशिनाथ अँगाइले विक्रीका लागि मेडिकलमा पठाएका सरकारी अनुदान प्राप्त सामग्री । तस्वीर राजेन्द्र न्याैपाने

गाउँपालिकाबाट वडाका स्वास्थ्य सँस्थालाइ प्राप्त हुने र अन्य सँस्थालाइ वडा दिएका स्वास्थ्य सामग्रीहरु वडा अध्यक्षकाे परिवारकाे नाममा रहेकाे सप्लायर्स मार्फत विक्री हुने गरेकाे हाे । कतिपय मनकारीहरुले दिएकाे सामग्री समेत वडा अध्यक्षहरुले बेचेर मुनाफा गर्दा गर्न तिर लाग्दा समेत गाउँपालिका मुकदर्शक बनेर बसेकाे छ ।

यसैगरी वडामा आएका बजेटका याेजनाहरुमा वडा अध्यक्षहरुले आफै ठेक्कामा सँलग्न रही मुनाफा लिने गरेकाे भएपनि यसबारेमा समेत पालिका माैन रहेकाे स्थानीय नागरिकहरुले बताएका छन् ।

यस अघिका समाचार हेर्न क्लीक गर्नुहाेस् ।