कृषि तथा व्यापार प्रबर्दन मेला २०७८ मा आज सिर्जु अधिकारी, करिष्मा ढकाल, बबिता वानियाँ लगायत कलाकारकाे उपस्थिति रहने

शुक्रबार, पुस २३, २०७८

गाेरखा । पुस २० गते देखि चलिरहेकाे कृषि तथा व्यापार प्रबर्दन मेला २०७८ काे आज चाैँथाे दिन सिर्जु अधिकारी,करिष्मा ढकाल, कमल खत्री, बबिता बानिया जेरी, शाेभा त्रिपाठीकाे प्रस्तुती रहने भएकाे  छ ।

विहीबार  सुवाेध गाैतम, चेतन सापकाेटा, हेमन्त शर्माले दर्शकहरुलाइ छमछमी नचाएका थिए । काेराेना सङक्रमणका कारण लामाे समयदेखि जिल्ला भित्र मेला महाेत्सव नभइरहेका बेला गाेरखा चेम्बर अफ कमर्सकाे आयाेजनामा मेला लागि रहेकाे छ । एकै ठाउँमा भेला भएर राष्ट्रिय ख्याती प्राप्त कलाकारहरुकाे प्रहसन हेर्ने र उनीहरुसँगै रमाउने अवसर गाेरखावासीले पाएका छन् ।

पुस २८ गते सम्म चल्ने मेलामा प्रत्येक दिन ख्याती प्राप्त राष्ट्रिय कलाकारहरुकाे उपस्थित भइरहेकाे छ । मेला भर्नका लागि गाउँ गाउँबाट मानिसहरु मेला स्थलमा भेला हुने गरेका छन् । मेलामा विभिन्न प्रकारका घरायसी सामग्रीहरु खरिद गर्न, मेला भित्रै विभिन्न प्रकारका खानाका प्रकार र बाल मनाेरञ्जनका स्टलहरु समेत रहेका छन् ।

मेलामा आज धेरै दर्शकहरुकाे उपस्थित रहने अपेक्षा गरिएकाे मेला आयाेजकले जनाएकाे छ ।