हिमालकाे फेदमुनि २०० भन्दा धेरै जना आँखा विरामीकाे परीक्षण, ४६ जनाकाे अप्रेशन

बुधबार, चैत्र २३, २०७८
आँखाकाे माेतिया विन्दु शल्यक्रियापछि अजिरकाेट लगायत आसपास क्षेत्रका नागरिकहरु । तस्वीर धन बहादुर गुरुङ

अजिरकाेट, गाेरखा । हिमालकाे फेदमुनि रहेकाे  जिल्लाकाे अजिरकाेट गाउँपालिका स्थित अजिरकाेट आँखा उपचार केन्द्र निशुल्क आँखा उपचार शिविर भइरहेकाे छ । मँगलबारदेखि शुरु भएकाे  निशुल्क आँखा शिविरमा ४६ जनाको आँखाको शल्यक्रिया भएकाे छ । २२ जना पुरुष र २४ जना महिला रहेका छन् ।

अजिरकोट गाँउपालिका वडा नम्बर ३ र भच्चेक तमु सेवा समाजको मुख्य आयोजना नेपाल आँखा अस्पताल काठमाण्डौँको सहयोग, नेपाल आँखा अस्पताल त्रिपुरेश्वर काठमाडौँको प्राबिधिक सहयोग, मुटु फाउन्डेसन नेपाल र मनोज एसोसिएसन फ्रान्सको प्रायोजनमा शिविर भएको हो । शिविर बिहिवार चैत्र २४ गते सम्म चल्ने द मनोज एसोसिएसनका अध्यक्ष धनबहादुर गुरुङले जानकारी दिए ।

बरिष्ठ नेत्ररोग बिशेषज्ञ डाक्टर कमल बहादुर खड्काको समुहले आँखाको शल्यक्रिया गरिरहेकाे छ । शिविरमा गाेरखा र लमजुङका आँखा विरामीहरुले उपचार गराएका छन् । उपचार पछि आवश्यक सामग्रीहरु समेत प्रदान गरिएकाे थियाे । गाउँमा नै विषेशज्ञ सेवा पाएपछि हिमाली क्षेत्रका नागरिकहरु खुशी भएका छन् । शिविरमा दुइ भन्दा धेरै नागरिकहरुले परीक्षण गराएका छन् । यस अघि शल्यक्रिया गर्नुपर्ने अवस्थाका विरामीहरुकाे छनाैट गरिएकाे द मनाेज एसाेसिएसनका अध्यक्षा गुरुङले बताए । एसाेसिएसनले गाेरखामा स्वास्थ्य क्षेत्रमा विगत लामाे समयदेखि विकट क्षेत्रका नागरिहरुलाइ सेवा दिदैँ आइरहेकाे छ ।

तस्वीरमा हेर्नुहाेस् आँखा उपचारका केही दृश्यहरु । 

तस्वीरहरु : धन बहादुर गुरुङ