गाेरखा । नेपाली काँग्रेसको १४ औं अधिबेशन अन्तर्गत गोरखा जिल्ला पार्टी सभापति बाहेकका पदाधिकारी निर्बाचनबाट चुनिएका छन् । उपसभापति सहितका पदाधिकारीहरुकाे लागि भएकाे निर्वाचनमा उपसभापतिमा धिरन थापाले १०३६ मत प्राप्त गरेका छन् ।
आज सम्पन्न भएको मतगणनामा जिल्ला पार्टी उपसभापति पदमा धिरन थापा र इमानसिंह बस्नेत बिजयी भएका छन् । इमानसिँह बस्नेतले ५६३ मत प्राप्त गरेका छन् ।
उपसभापति पदमा रबिकला खनाल, सिपी पोखरेलले, हरिबहादुर गान्धारी प्रतिस्पर्धामा रहेका थिए ।
सचिवमा पत्रकार विजयी
सचिव पदका लागि भएको निर्वाचनमा पत्रकार किशोरजंग थापा ६७३ मत ल्याएर बिजयी भएका छन् ।
अर्का सचिवमा कृष्णबहादुर आलेले ६९९ मत प्राप्त गरेर विजयी भए । उनी यस अघि जिल्लाका काेषाध्यक्ष रहेका थिए । थापा एकैपटक जिल्ला सचिवमा निर्वाचित भएका हुन् । यस अघि उनी पत्रकारितामा सक्रिय रहँदै आएका थिए । मूल धारकाे राजनीतिका लागि आफूले पत्रकार महासँघकाे सदस्यता त्यागेकाे थापाले बताए ।
सचिव पदका उमेद्धवार ओमबहादुर गुरुङ ४७१ मत, तारानाथ पुडासैनीले ३९२ र रामप्रसाद भण्डारीले ३१९ मत प्राप्त गरेका छन् ।
आजै सम्पन्न भएको सहसचिव पदमा लुमनाथ लामिछाने र गंगा प्रसाद अधिकार बिजयी भएको निर्वाचन अधिकृत देव बहादुर महतले जानकारी दिए । लामिछानेले ६९७ मत र अधिकारीले ३९३ मत ल्याएर जिल्ला पार्टी सहसचिवमा बिजयी भएका हुन् । मत गणना सकिएकाे छ ।