फागुन ११ , गाेरखा । जिल्लाकाे गण्डकी गाउँपालिका वडा नम्बर ६ भूम्लिचोकमा पालिका स्तरीय प्रहरी चौकी स्थापना भएको छ । चाैकीकाे आज पालिकामा आयाेजित कार्यक्रममा गोरखा जिल्लाका प्रमुख जिल्ला अधिकारी शंकरहरी आर्चायले आज उद्घाटन गरेका छन् । कार्यक्रममा जिल्ला प्रहरी कार्यालय गोरखाका प्रमुख एसपी शेखर खनालले प्रहरी चौकी स्थापनाका लागि निशुल्क जग्गा उपलब्ध गराउने जग्गादाताहरु र आवश्यक समन्वय गर्नुहुने गाउँपालिका अध्यक्ष लगायतका नागरिकहरुलाइ धन्यवाद दिँदै शान्ति सुरक्षामा प्रहरीले नागरिकहरुले सहयाेग गर्ने बताए ।
प्रमुख जिल्ला अधिकारी आचार्यले प्रहरीहरुलाई प्रभाव, दबाब र रवाफमा नपरी कानून सम्मत ढंगले जनताको सेवामा समर्पित हुन आग्रह गरेका छन् । गाउँपालिका भित्रका अध्यक्ष,वडाअध्यक्ष र जनप्रतिनिधिहरुसंग आवश्यक समन्वय गरी काम गर्नुपर्ने बताए ।
कार्यक्रममा गण्डकी गाउँपालिकाका होम बहादुर राना मगरले मुस्कान सहितको सेवा प्रवाह गर्दै समाजमा शान्ति सुरक्षा र अमनचयन कायम गर्न अनुराेध गर्दै । चाैकी निर्माणका र प्रहरीका लागि आवश्यक सहयाेग गर्न पालिकाले निरन्तर सहयाेग गर्ने बताए ।
गण्डकीसँगै जिल्लाका ११ वटै पालिकामा प्रहरी चाैकी स्थापना भएकाे छ ।