गोरखा । नेपाली काँग्रेसकाे विचार समर्थकहरुकाे मानव अधिकार सँस्था मानव अधिकार तथा शान्ति समाजले स्थानीय तहकाे निर्वाचनमा सक्षम र योग्य उम्मेदवार छनोट गर्न दवाव सृजना गर्न भन्दै गाेरखाबाट अभियानकाे थालनी गरेकाे छ । कस्ताे उम्मेदवार सक्षम र याेग्य हाे भन्ने खुलाइएकाे छैन ।
विहिबार गाेरखामा आयाेजित कार्यक्रमा गुणस्तरिय शिक्षा, स्वास्थ्य, शान्ति, समाजिक न्याय र वातावरण संरक्षणको एजेण्डालाई अघि बढाउनुपर्नेमा आफूहरुकाे जाेड रहेकाे कृष्ण पहाडिले बताए ।
अभियानमा पहाडीको नेतृत्वको केन्द्रिय टोलीको समेत सहभागिता रहेको बताइएको छ । अभियान अन्तरगत जनतालाई सक्षम नेता चुन्न समेत आग्रह गरिने बताइएको छ । टाेलीमा रहेका एक सदस्यका अनुसार समाजले भनेकाे याेग्य उम्मेदवार काँग्रेसले बनाएकाे उम्मेदवार हाे ।