गाेरखा। बाैद्ध हिमालकाे फेदीमा चारदिनदेखि रहेकाे शव निकाल्न किएको छैन । सरकारबाट कुनै पनि सहयाेग नभएपछि सहयाेग सङकलन गरेर हेलिकप्टर लिएर जाँदा पनि प्रयास असफल भएकाे हाे ।
माैसममा आएकाे खरावीका कारण समस्या भएकाे हाे । शनिबार भीरबाट खसेर बेपत्ता भएका चुमनुब्री गाउँपालिका ३ पाङसिङका २४ बर्षका सुरेन्द्र गुरुङको शव उनकाे परिवार र लाप्राकबासीले खाेँचबाट निकालेर हेलिकप्टर ल्याण्ड गर्न सक्ने ठाउँमा ल्याएका थिए । गुरुङकाे शव निकाल्न सोमबार र बुधबार दुईपटकसम्म हेलिकोप्टर चार्टर गरिएको थियो ।
वनलसुन संकलन गर्न लेकमा सुरेन्द्रसहित उनका बुबा र भाइ पनि लेकमा गएका थिए । साथमा दुईजना छिमेकी पनि थिए । उनीहरुमध्य एकजना भीरबाट खसेर बेपत्ता भएपछि हेलिकोप्टरबाट उद्धार गरिदिन अनुरोध गरेका थिए ।
शव निकाल्नका लागि चुमनुब्री सेवा समाजले बुधबार हेलि चार्टर गरेको समाजका अध्यक्ष वीरबल घलेले जानकारी दिए ।
शवलाइ दाह सँस्कारका लागि आफ्नै थलाेमा लैजानुपर्ने गुरुङ समुदायकाे सँस्कार रहँदै आएकाे छ ।