मुग्लिन । पहिरोका कारण अवरुद्ध मुग्लिन-नारायणगढ सडकखण्ड केही बेर अघि सञ्चालनमा आएकाे छ । डोजरले पहिरो पन्छाएपछि बिहान देखि सडक खुलेको प्रहरीले जनाएको छ ।
पहिरोका कारण गएराति साढे २ बजेदेखि नै गाडी रोकिएकाले यो सडकमा लामो जाम छ । चितवनको भरतपुर महानगरपालिका–२९ मा रहेको केराबारीमा लेदोसहितको पहिरो खस्दा गएराति साढे २ बजेदेखि यो सडक अवरुद्ध भएको थियो ।
पहिरोको उच्च जोखिम रहेकाले नारायणगढ–मुग्लिन सडकमा यात्रा गर्दा सडकको अवस्थाबारे ख्याल गर्न प्रहरीले आग्रह गर्दै आएको छ ।