काठमाडौं । फिल्म ‘आर्या’को ‘हाम्रो धर्ती’ बोलको गीत सार्वजनिक भएको छ । भाइटीकाको अवसर पारेर सार्वजनिक गरिएको गीतमा गायिका मेलिना राईले स्वर दिएकी छन् ।
रास्ट्रभावले ओतप्रोत ‘हाम्रो धर्ती’ बोलको गीतमा कविराज गहतराजको नृत्य, राम सिटौलाको संगीत र लक्ष्मण सिटौलाको शब्द रहेको छ ।
उपेन्द्र तिमिल्सिनाको निर्देशन रहेको फिल्मको गीत तनहुँको मानुङ डाडामा खिचिएको हो ।
दिव्यराज सुवेदीले छायांकन गरेको ‘आर्या’मा राम सिटौला र शशि बिक्रम थापाको संगीत, मिलन श्रेष्ठको सम्पादन, कुमार महर्जनको द्वन्द्व निर्देशन समेटिएको छ ।
फिल्ममा शिल्पा पोखरेल, अनुप बिक्रम शाही, प्रकाश शाह, रवि गिरि, सुशील पोखरेल, गीता अधिकारीलगायतको अभिनय देख्न सकिन्छ ।
