पोखरा । गण्डकी प्रदेशमा बहुमतसहित विपक्षी गठबन्धनले नयाँ सरकारको दावि पेश गरे सँगै आज मुख्यमन्त्री सहित चार जनाले सपथ ग्रहण गर्नेछन् । स्वच्छ छविकाे प्रदेश प्रमुख भएकाे भए शुक्रबार नै सपथ ग्रहण हुनुपर्थाे तर आज सम्म पनि सपथ नगराउनु र भित्र पस्न समेत नदिनुले प्रदेश प्रमुखले सम्सद विघटन गरी ” कु” गर्न लागेकाे राजनीति विश्लेषकहरुले बताएका छन् ।
मुख्यमन्त्री पृथ्बीसुब्बा गुरुङले बिहीबार सदनमा विश्वासको मत गुमाए पछि शुक्रबार नेपाली कांग्रेस, नेकपा माओवादी, जनता समाजवादी पार्टी (जसपा) र जनमोर्चाको समर्थनमा कृष्णचन्द्र पोखरेलले दाबी पेश गरेका थिए।
प्रदेश प्रमुख सीता पौडेलले आज ३ बजेभित्र बोलाउने भन्दै उनीहरुलाई फिर्ता पठाएकी थिइन्। तर मुख्यमन्त्री नियुक्तबारे अहिलेसम्म कुनै सूचना नआएको एक सांसदले बताए।
कांग्रेससहितको गठबन्धन आज मुख्यमन्त्रीसहित ३ जना मन्त्रीलाई सपथ गराउने तयारीमा छ।
जसमा माओवादी केन्द्रका १ रामजी बराल , जसपाका १ हरिशरण आचार्य र काँग्र्सका कुमार खड्का रहेका छन् । उनीहरु विना विभागीय मन्त्री बन्न लागेका हुन् ।