१)भन्छिन् आमा भोली रोपाईँ उकेरो लाउँनुपर्छ पानी,
नजिक नहर नभएकोले यस्तो सास्ती जिन्दगानी ।
२)शहरमा त छस् बाबु!बाआमाको गुनासो सुन्छु,
बाउसे पाइएन भन्छन् अनि घर सम्झी रुन्छु।
शर्मिला श्रेष्ठ,ललितपुर
हाल परदेश
१
हुत्तिहारा नबन्नु होला कहिल्यै पनि हजुर!
नत्र हेपिरहन्छ गधालेसम्म सम्झी खजुर।
२
आपद्विपद आउँदा कहिल्यै हार नखानु होला साथी!
अघि बढ्नु सँधै भन्दै टेक्छु पाइला हिमालचुली माथि।
– रतन पाण्डे’पारतन’, दार्जीलिङ।
१
जातिय विभेदको चर्चासँगै सामाजिक सद्भाव ढल्दैछ यो शहरमा,
त्यही जात अनि धर्ममाथि नै राजनीति चल्दैछ कोरोनाको कहरमा।
२
छुवाछुत र जातिय विभेद अन्त्य गरौं हटाइ संकुचित भावना,
दही-चिउरा खाने दिन, धान दिवसको सम्पूर्णलाई शुभकामना।
– शम्भु लाल श्रेष्ठ
नागार्जुन -१ रानीवन, पानीट्यांकी, काठमाडौं।
१.
हिनताबोध हुन्छ देशका नेतालाई देख्दा
यी हातले सधै भरी तिनका कर्तुत लेख्दा ।
२.
नभन्नु थियो भनिहालें देशको यो बेथिती
कहिले होला यहॅा आउने राम्रो मात्रै रीती ।
– राजेशराज गड्तौला
रतुवामाई-१०, मोरंग
हाल- आबुधाबी, युएई
१.
जनता प्रति कुनै जिम्मेवार छैनन् नेता,
मिलेर लागेका ढुकुटी रित्याउन उता ।
२.
खै यो देशमा सधैं देखिन्छ अत्याचार
निमुखा गरिब माथि हुन्छ हारैहार।
– दुर्गा भट्टराई
१
फर्कि आऊ आफ्नै गाउँ मलाई सम्झी,
मर्छु होला तिम्रै सामु यादमा अल्झी।
२
कुरेर बसी जीवन काटेँ तिम्रै पर्खाईमा,
तिम्रो माँया पाउन धाएँ अस्ति अड्डाईमा।
– कल्पना थामी, सिन्धुपाल्चोक
१
अब नगरौं भन्छु मान्दैन यो मन
भाङ भाएर भएको छु रन बन।
२
मदिरा पिएर जथाभावी नबोल,
दुईदिनको जीवन हो अनमोल!
– प्रेम सुनार, दैलेख
१
गाउँ घरमा खाने सुर्तीमा पातको,
नेपाली हामी नगरौँ कुरा जातको।
२
मिलाई काठ ठोकेर काँटी बनाउने खाट,
हातमा मिलाई एउटै सम्झी दिने हो साथ।
– अनुग्रह राना मगर (पुस्प)
संखुवासभा हाल मलेसिया
१
देशका लागी ज्यान दिन्छु शत्रु छिर्न दिन्न आमा,
पाले बनि बसेकोछु म त देशको सिमानामा ।
२
सिमा मिच्न खोज्दैछन रे छिमेकोले आजभोली,
तयारी छौ देशका लागी मर्न मार्न हाम्रो टोली ।
– नवशिला
बेलबारी -२, लालभित्ती,मोरङ
हाल: गोदावारी, ललितपुर
१
त्यो छोडेको बगर लिन आइसक्यो खोली,
नेता ज्यु घुस खाए पनि भरिदैन झोली ।
२
जो रक्षक छ उहीँ भयो भक्षक वनको,
हिफाजत कस्ले गर्ला खै नेपाल धनको ?
– विनोद रिजाल, बेलबारी
१
निर्दोष यो छाती भित्र लागेको छ ठूलो घाउ,
भेटिएन न टाँका न मलम लाउने ठाउँ ।
२
घर सम्हाल्न सकेको छैन देशको कुरा,
मिठा भाषणमा जनता माथी तिखा छुरा।
– भुपेन्द्र राना मगर
नीलकण्ठ न• पा• २, धादिङ
१.लुडो भए जाँदैन अन्त ध्यान ,
नखाएरै सुक्दैछ मेरो ज्यान ।
२.
घरमा त्यसै त कराउँछन् बुडोले ,
अचेल टुक्का लेख्न बिर्सायो लुडोले ।
– ललिता अभागी
सुनकोशी ५ सिन्धुली
१
कैलाशका अधिपति शिव बाबा रमाएर
पुम्दिकाेटमा आइबसे आशन जमाएर ।
२
पर्यटनको प्रबर्द्धनमा पाेखराकाे शान्छ,
भक्तजनको आस्थाविश्र्वास पूरा ध्यान तान्छ ।
– रामकृष्ण दवाडी
१
आकाशमा कालो बादल छायो,
सिन्धुपाल्चोक बाढीले बगायो ।
२
उर्लिए मेलम्ची किनार तोडी,
भागम्भाग रातैमा घर छोडी ।
– गाेपाल कृष्ण ढंगाेल
महाराजगञ्ज, काठमाडाैं
हाल इटहरी सुनसरी ।
