गयाे उडेर गयाे मन, फर्केर आउदैन ।
फेरि त्याे बचपन, फर्केर आउदैन ।
गरिबी र बेराेजगारीले, प्रदेशिएकाे छाेराे,
सम्झेर साहुकाे आँगन, फर्केर आउदैन ।
तपाईं निकै साेचेर मात्र, बाेल्ने गर्नुस महाशय,
किनकि निस्किएकाे वचन, फर्केर आउदैन ।
यदि शत्रु कमाउनु छ भने, अचुक उपाय यहि हाे,
आफन्तलाई दिनुस धन, फर्केर आउदैन ।
विज्ञान अक्सर सधै, यहि कुरामा चिन्तित रहन्छ,
कि नष्ट भएपछि ओजन, फर्केर आउदैन ।
काजी सुनार
माेदि गा.पा.-५, पर्वत
हाल, लमजुङ
