काठमाडौं । निर्मला हत्याकान्डको विषयमा निर्माण भएको फिल्म ‘कोपिला’ सार्वजनिक भएको छ । फिल्म ओएसआर डिजिटलले दामी म्युजिक एप मार्फत बाहिर ल्याएको हो । दामी म्युजिक एप मोवाइल थिएटर हो ।
केही अगाडि सार्वजनिक प्रदर्शनमा आएको फिल्म दामी म्युजिकएपमा शुक्रबारबाट दैनिक ४ शो रिलिज हुने गरेको छ ।
ओ.एस.आर डिजिटलसँंगको सहकार्यमा सञ्चालित दामी म्युजिक एपको मोबाइल थिएटरमा ४ वटा पर्दा छन्, जसमा हरेक शुक्रवार नयाँ फिल्म रिलिज हुने गरेको छ ।
शिवम् अधिकारीको लेखन तथा निर्देशन रहेको फिल्मा गणेश गिरी, सरिता गिरी, संजिवनी खरेल, प्रकृती खरेल, जुनिफर पौडेल, श्रेया आचार्यलगायतको अभिनय देख्न सकिन्छ ।
फिल्ममा निर्मला पन्तको हत्यारा पत्तान लागोस् भनेर गरिने राजनीतिक चलखेल र त्यसले निर्मलाको परिवारमा परेको मनोवैज्ञानिक असर देखाउन खोजिएको निर्देशक शिवम् अधिकारीले बताए ।
