बारपाक सुलिकाेट, गाेरखा । बारपाक सुलिकाेट गाउँपालिकामा ११८ जनाकाे एन्टिजेन टेस्ट गर्दा ४५ जनामा काेराेना पाेजेटिभ देखिएकाे छ । बारपाक सुलिकोट गाँउपालिका वडा नं. ७ स्थित पाँचखुवा देउराली स्वास्थ चौकीमा ५३ जनाको एन्टिजेन परीक्षण गरिएकोमा २५ जनामा कोरोना पुष्टी भएको छ ।
साैरपानीमा गरिएकाे परीक्षणमा ६५ जनाको एन्टिजेन परीक्षण गरेकोमा २० जनामा कोरोना देखिएको हो ।
गाउँमा काेराेना महामारी फैलिएसँग तेश्राे पटक श्रेष्ठ दुई जना चिकित्सक, ल्याव टेक्निसियन सहित कोरोना संक्रमणको त्रासमा रहेका नागरिकहरुको स्वास्थ्य परीक्षणमा गाउँगाउँमा नेकपा प्रवक्ता नारायणकाजी श्रेष्ठ पुगेका छन् । श्रेष्ठले जाेखिम रहेका क्षेत्रमा पुगेर परीक्षण गराइरहेका छन् ।
