काठमाडौं । प्रधानमन्त्री प्रचण्ड भूकम्प प्रभावित क्षेत्र जाजरकोट प्रस्थान गरेका छन् ।
नेपाली सेनाको १६ जनाको मेडिकल टिमसहित प्रधानमन्त्री प्रचण्ड जाजरकोट प्रस्थान गरेको उनका प्रेस सल्लाहकार गोविन्द आचार्यले जानकारी दिए ।
प्रधानमन्त्रीसहित पूर्वगृहमन्त्रीद्वय जनार्दन शर्मा र शक्तिबहादुर बस्नेत पनि गएका छन् । उनीहरू दुवै जना भूकम्प प्रभावित जिल्लाबाट निर्वाचित सांसद हुन् ।
धेरै क्षति भएको नलगाड बस्नेतको गाउँ हो ।
जाजरकोटको बारेकोट केन्द्रविन्द्र भएर राति पौने १२ बजे गएको भूकम्पले नलगाड नगरपालिका, रुकुमपश्चिमको आठविसकोट नगरपालिकामा बढी क्षति भएको छ ।
भूकम्पमा परी दुई जिल्लामा ११८ जना बढीको मृत्यु भइसकेको छ । जाजरकोटमा ९२ र रुकुममा ३६ जनाको मृत्यु भएको प्रहरीले जनाएको छ । हाल सम्म १४० जना घाइतेहरु अस्पतालमा उपचार गराइरहेका छन् ।
