दुख धाउँछ झुपडीमा , सुख हो खास नआउने
भगवान तँ नै हैनस् र धनी गरिव जन्माउने
एक तिमी छौ मिलन पनि जिन्दगीको अन्त्य ठान्ने
अर्को म छु बिछोडमा पनि उत्सव मनाउने
बहाना केही नभएसी यसै मुस्कुराउँछु अचेल
दुख लाग्छ छन् केही यहि पनि नपचाउने
म हारेरै पनि खुशीसाथ हिँडिराछु हेर
खोइ किन हो जित्दा पनि तिमी नमुस्कुराउने
तिमी पनि आउ एउटा पिडा थपी जाउ मलाई
छैन, लासलाई थपेको एउटा दाउराले बढी दुखाउने
विजय रानाभाट , तनहुँ
