हेर्छु,दर्दको पनि छुट्टै बजार लाग्यो
ऐना!पुछ्दा,ऐनामा अनुहार लाग्यो
मुग्लानलाई बैँस दिएर बा फर्किए
गाउँमा, हलो जोतेकै सार लाग्यो।
अब सजाय के कस्तो हुन्छ सरकार ?
अख्तियारलाई नै अख्तियार लाग्यो
नदिमा बगेको रुमाल किनार लागेन
रुमालमा बगेको मन किनार लाग्यो ।
श्रद्धाञ्जली,कर्ज भै गयो लासलाई
बाँच्नुजेल,हर कुरामा आभार लाग्यो
बुझियो,दुनियाँको औकात के रहेछ !
कोट लगाएर हिडेँ,नमस्कार लाग्यो ।
धिरज स्मृतिपवन
डोटी
