बैशाख ६, गोरखा । जनता समाजवादी पार्टी (जसपा)का कार्यकारीणी समितिका अध्यक्ष उपेन्द्र यादवले नेपालको चुनाव महंगो हुँदै गएकोले किसान, मजदुर, गरिव वर्गले आर्थिक अभावमा चुनावमा प्रतिष्पर्धा गर्न नसक्ने बताए । सँसदीय व्यवस्था प्रणालीका कारण चुनाव महङ्गाे हुन थालेकाे उनकाे भनाइ छ । जनता समाजवादी पार्टी गोरखाले आज सदरमुकाममा आयोजना गरेको चुनावी सभालाई सम्बोधन गर्दै उनले यस्ताे बताएका हुन् ।
अवकाे निर्वाचन प्रणाली उमेद्वारले खर्च गर्नु नपर्ने समावेशी चरित्रको समानुपातिक निर्वाचन प्रणाली अपनाउनुपर्ने उनकाे भनाइ छ ।
अहिलेको संविधान अधुरो, अपूरो र त्रुटिपुणर् रहेकाले यसलाई संसोधन गर्नुपर्ने र याे व्यवस्था दिगाे नरहने उनले बताए । शासकीय स्वरुप, संसदीय प्रणाली, निर्वाचन प्रणाली र न्याय प्रणाली परिवर्तन गर्नुपर्छ ।
