अभिषेक तामाङ
९ फागुन, गोरखा । ‘जनतामा एउटा नयाँ आशा र भरोसा देखेको छु । गोरखाली जनताको विकास निर्माण र समृद्धिको आँकाँक्षा पुरा गर्न म लागि पर्नेछु ।’ पूर्व प्रधानमन्त्री एवँ नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले भन्नुभयो । गोरखाको पर्यटन विकास, आर्थिक क्रियाकलाप रोजगारीको सिर्जनामा आफूले सहयोग गर्ने उहाँको भनाई छ ।
हाम्रो नेतृत्वमा भएका १२३ वटा स्थानीय सरकारका प्रमुख र उपप्रमुखलाई काठमाण्डौमा बोलाएर स्थानीय तहमा शासन सुधारका उपायका बारेमा सुझाव प्रचण्डले बताउनुभयो । काठमाण्डौमा हुने भेला पछि स्थानीय तहले अझ राम्ररी काम गर्ने बताउनुभयो । हामीले गरे नहुने केही छैन, हामी नेपाल बनाउन सबै लागि पर्नुपर्दछ । नेपालका गाउँहरु युवा विहिन हुन नदिन आफूले काम गर्ने बताउनुभयो 
नेपाल संसारकै सबैभन्दा सुन्दर देश भएको तर नेपालमा केही छैन भनेर नकारात्मक भाष्य बनाउन खोजिएको प्रचण्डको भनाई छ । नेपालमा धेरै कुराको सम्भावना रहेकाले आफ्ना छोराछोरीहरुलाई आफ्नै देशमा काम गर्न सुझाव दिन आग्रह गर्दछु, प्रचण्डले भन्नुभयो ।
देश बाहिर रहेका नागरिकहरुलाई नागरिकता दिने काम आफ्नो प्रधानमन्त्रीकालको सरकारले गरेको बताउनुभयो । यसले देशमा रेमिट्यान्स भित्र्याउन सहयोग पुगेको बताउनुभयो । आफू प्रधानमन्त्री हुँदा सबै सहिदहरुलाई राष्ट्रिय सहित घोषणा गरेको उहाँको भनाई छ ।
गोरखाको मिरकोट स्थित चौथो कोटगढी महोत्सव उद्घाटन् समारोहलाई अध्यक्ष प्रचण्डले सम्बोधन गर्नु भएको थियो । पालुङटार नगरपालिका वडा नम्बर १० मा लागेको महोत्सव शनिबार सम्म चल्ने वडा अध्यक्ष ऋषिराध धौरालीले बताउनुभयो ।
