मुक्तक १
खाएकै थालमा थुक्न थालेपछि हो
बन्दुक बोकेर लुक्न थालेपछि हो
नेपालको उच्च शिर झुक्न परेको नै
नेता बन्नेहरु भुक्क थालेपछि हो
मुक्तक २
मोज गरेर नै दिनरात कटाउन खोज्ने
क्षणिक आनन्दलाई माया लगाउन खोज्ने
दुनियाँसँग मस्ती गरेर हिड्नेहरु नै हो
सोझी केटिसँग घरबार बसाउन खोज्ने
मुक्तक ३
बदलिइसकेको छोरोको व्यवहार चिनिएपछि
मायाको बदलामा सधैं घृणा नै घृणा दिएपछि
आमाको मन यसकारणले रोएको हो हजुर
वृद्धआश्रममा आफू घरमा कुकुर पालिएपछि
मुक्तक ४
एउटापछि अर्को अनौपचारिक हुँदा रहेछन्
कहिले पुरानो कहिले आधुनिक हुँदा रहेछन्
कहिल्यै नसकिने दु:ख र पीडाका कुराहरु
जति जीउँदै गयो उति अधिक हुँदा रहेछन्
मुक्तक ५
पराइले पञ्चेबाजा घन्काउन लाग्दा
आमाले पनि मलाई पन्छाउन लाग्दा
त्यो दिनमा म धेरै रोएको थिए हजुर
जन्मघरबाट साँझमा अन्माउन लाग्दा
झरना पराजुली
राइनास लमजुङ
